विराटनगर विमानस्थलको चाँडै स्तरोन्नति गरिने: मन्त्री आले

मुख्य समाचार

गृहपृष्ठ
मुख्य समाचार

विराटनगर विमानस्थलको चाँडै स्तरोन्नति गरिने: मन्त्री आले

क्यापिटल नेपालशुक्रबार, चैत १८, २०७८

विराटनगर । संस्कृति, पर्यटन तथा नागरिक उड्डयनमन्त्री प्रेमबहादुर आलेले विराटनगर विमानस्थलको स्तरोन्नति चाँडै गरिने बताएका छन् ।

उक्त विमानस्थलकाे अनुगमन तथा निरीक्षणका क्रममा मन्त्री आलेले स्तरोन्नतिलगायत भौतिक संरचना निर्माणको काम चाँडै गरिने बताएका हुन् ।

मन्त्री आलेले स्तरोन्नतिका लागि रकम अपुग भए आगामी आर्थिक वर्षको बजेटमा विनियोजन गर्ने जानकारीसमेत दिए ।

विराटनगरबाट अन्य क्षेत्रमा हवाई सेवा सञ्चालन गर्न पहल भइरहेको उकाे भनाइ छ ।

क्षेत्रीयस्तरको विमानस्थल निर्माण गर्न जग्गा अधिग्रहणका लागि १७ करोड रुपैयाँ आवश्यक पर्ने भन्दै विराटनगर क्षेत्रीयस्तरको विमानस्थल बनाउन आवश्यक भएकाे उल्लेख गरे ।

विराटनगर विमानस्थलमा रहेका कतिपय संरचना जीर्ण भएका र केही पुनःनिर्माण गर्नुपर्ने देखिएकाले त्यसका लागि बोलपत्र आह्वान भइसकेको मन्त्री आलेले जानकारी दिए ।

प्रकाशित मिति: शुक्रबार, चैत १८, २०७८ १४:०६

प्रतिक्रिया दिनुहोस्