के थोरै पैसामा सौराहा घुम्न मन छ ? जंगल सफारीले ल्याएको छ– पे नाउ, गो लेटर

मुख्य समाचार

गृहपृष्ठ
मुख्य समाचार

के थोरै पैसामा सौराहा घुम्न मन छ ? जंगल सफारीले ल्याएको छ– पे नाउ, गो लेटर

क्यापिटल नेपालशुक्रबार, चैत ४, २०७८

चितवन । कोरोनाको संक्रमणदर घटेसँगै आन्तरिक पर्यटक आकर्षण गर्न सौराहाको जंगल सफारी लजले छुटै प्याकेज कार्यक्रम सार्वजनिक गरेको छ । लजले अहिले तिरेर पछि उपभोग गर्न पाउने गरी ‘पे नाउ गो लेटर’ प्याकेज सार्वजनिक गरेकाे हाे ।

सोबमोजिम चैत महिनाभित्रमा विशेष छुटमा रकम भुक्तान गरेमा आउँदो वर्ष होटल उपयोग गर्न पाइने छ । होटलका सञ्चालक सुमन घिमिरेका अनुसार ३ रातका लागि यो अफर उपलब्ध गराइएको छ । जसमा दिन र रातको ४ हजार ५ सय रुपैयाँ मात्रै तिरे सुविधायुक्त कोठा उपलब्ध हुनेछ ।

सामान्य अवस्थाको तुलनामा यो अफरमा सहभागी हुनेले ६६ प्रतिशत छुट पाएको उनको भनाइ थियो ।

यो अफरका लागि रकम अग्रिम भुक्तानी गर्नुपर्ने र होटलले सो रकम पाएपछि एउटा नम्बरसहितको भौचर उपलब्ध गराउनेछ । कुपनजस्तै भौचर ग्राहकले राख्नुपर्नेछ । सो भौचर पाउन यही चैत मसान्तसम्म अग्रिम भुक्तानी गर्नुपर्ने हुन्छ । भौचर लिएर २०७९ साल वैशाख २ देखि चैत २७ सम्म जुनसुकै महिना वा दिनमा आएर बस्न सकिनेछ । कुपन भने तोकिएको समयभित्रै लिनुपर्ने र बसोबासका लागि यही मूल्यमा जहिले आए पनि हुने सञ्चालक घिमिरेले बताए ।

भौचरमा तोकिएको मितिभन्दा अन्य दिनमा आउने ग्राहकले एक साताअघि कोठा बुक गर्नुपर्ने हुन्छ । आन्तरिक पर्यटकलाई केन्द्रमा राखेर यो अफर ल्याएको उनको भनाइ थियो ।

गत वर्ष पनि उक्त होटलले असार र साउन महिनामा यस्तै अफर ल्याएको थियो । त्यति बेला ३०० जनाले उक्त प्याकेजको सेवा लिन भुक्तानी गरेका थिए ।

३५ वटा कोठा भएको यो होटलमा स्विमिङपुल, १ सय जना अट्ने सभाकक्षलगायतकाे सुविधा छ ।

प्रकाशित मिति: शुक्रबार, चैत ४, २०७८ १४:५४

प्रतिक्रिया दिनुहोस्