ग्लोबल आईएमई र कामना सेवा विकास बैंकबीच बैंकिङ सुविधा उपलब्ध गराउन समझदारी

मुख्य समाचार

गृहपृष्ठ
मुख्य समाचार

ग्लोबल आईएमई र कामना सेवा विकास बैंकबीच बैंकिङ सुविधा उपलब्ध गराउन समझदारी

क्यापिटल नेपालशुक्रबार, फागुन २७, २०७८

काठमाडाैं । ग्लोबल आईएमई बैंक र कामना सेवा विकास बैंकबीच समझदारी पत्रमा हस्ताक्षर भएकाे छ । कामनाका ग्राहकहरूलाई आवश्यक पर्ने गैरकोषमा आधारित बैंकिङ सुविधा उपलब्ध गराउन समझदारी पत्रमा हस्ताक्षर भएको हाे ।

सम्झौताअनुसार कामनाका ग्राहकले आफ्नो व्यवसायलाई आवश्यकता पर्ने गैरकोषमा आधारित प्रतीतपत्र (लेटर अफ क्रेडिट), बैंक ग्यारेन्टी डकुमेन्ट अगेन्स्ट पेमेन्ट, डकुमेन्ट अगेन्स्ट एक्सेप्टेन्स, ट्रेड ट्रान्जेक्सन बैंकिङ आदि सुविधा कामना विकास बैंकको सिफारिसमा ग्लोबल आईएमई बैंकमार्फत उपभोग गर्न सक्नेछन् ।

उक्त समझदारी पत्रमा ग्लोबल आईएमई बैंकका प्रमुख कार्यकारी अधिकृत रत्नराज वज्राचार्य र कामना सेवा विकास बैंकका प्रमुख कार्यकारी अधिकृत प्रविन बस्नेतले हस्ताक्षर गरेका हुन् ।

ग्लोबलले मुलुकभर तथा मुलुकबाहिर गरी सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले ७६ जिल्लामा बैंकका २८७ शाखा, २५२ एटीएम, २७४ शाखारहित बैंकिङ सेवा, ५० एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी करिब ८६० सेवा केन्द्रबाट ग्राहकलाई सेवा प्रदान गरिरहेको छ ।

यसै गरी कामनाले देशभर रहेका आफ्ना १२९ वटा शाखा कार्यालय, १ एक्सटेन्सन काउन्टरमार्फत सेवा प्रवाह गर्दै आएको छ ।

प्रकाशित मिति: शुक्रबार, फागुन २७, २०७८ ११:१७

प्रतिक्रिया दिनुहोस्