काठमाडाैं । नेपाल प्रहरीले लुटपाटमा संलग्न ८ जनालाई पक्राउ गरेको छ ।
प्रहरीको महानगरीय अपराध महाशाखाले फागुन १२ गते साँझ काठमाडौं महानगरपालिका–१६ नयाँबजारस्थित समृद्ध फार्मेसीका सञ्चालक राजेन्द्र साँखीसहित लुटपाट गर्ने ८ जनालाई आज पक्राउ गरेको हो ।
पक्राउ पर्नेमा जुम्लाका २६ वर्षीय देवीप्रसाद धिताल, धादिङका ३० वर्षीय शंकर रेग्मी, डडेल्धुराका २८ वर्षीय हिक्मत महता, कञ्चनपुरका २७ वर्षीय सुवास रतोकी, कञ्चनपुरकै ३४ वर्षीय मिलन बोहरा, पाँचथरका ३२ वर्षीय भविन्द्र बेगा, दैलेखका २७ वर्षीय योगेन्द्रबहादुर चन्द र प्युठानका २१ वर्षीय कमल सुनार छन् ।
पक्राउ परेका उनीहरूले पसल सञ्चालकलाई नियन्त्रणमा लिएर काउन्टरमा भएको नगद, सामसुङ मोबाइल, घडीलगायतका सामग्री लुटेर फरार भएका थिए ।
उनीहरूबाट प्रहरीले ११ थान मोबाइल, एउटा घडी, नागरिकता प्रमाणपत्र, ५ एटिएम र २ वटा चेक बरामद गरेको महाशाखाले जनाएको छ ।
