काठमाडौं । फागुन १४ गते जमलमा ‘टेडएक्स जमल’ आयोजना हुने भएको छ । ‘खोज तथा उत्खनन’ विषयमा आयोजना हुने कार्यक्रममा विषयगत क्षेत्रका वक्ताहरुले आफ्ना अनुभव र विचार प्रस्तुत गर्नेछन् ।
कार्यक्रममा कृषि, चलचित्र, मानसिक स्वास्थ, उद्यमशीलता, नवप्रवर्तन, वातावरण, जीवनविद्याजस्ता विषयगत क्षेत्रका वक्ताहरुले आ–आफ्ना विचार राख्नेछन् ।
कार्यक्रममा सस्तो डिलका सीईओ अमुन थापा, र्यापर तथा स्ट्रक्चरल इन्जिनियर बालेन शाह, कर्पोरेट प्रशिक्षक ड्यान राइट, गोल्यान समूहका अध्यक्ष पवन गोल्यान, नायिका प्रियंका कार्की, वातवारण अभियन्ता सृष्टि सिंह श्रेष्ठ, बिजनेस अक्सिजन प्रालिका सीईओ सिद्धान्तराज पाण्डे, मनोवैज्ञानिक सुशील कँडेल, राम लक्ष्मण इनोभेसन्सका राम लक्ष्मण रिमालगायतका वक्ताले बोल्नेछन् ।
टेड अमेरिकाकी लाइसेन्सप्राप्त कार्यक्रम हो । जसमा १८ मिनेट वा कम समयमा प्रभावशाली व्यक्तिहरुले आफ्नो विचार तथा अनुभव राख्छन् ।
