बैंकिङ सेवा थप प्रभावकारी बनाउन सिभिल बैंक र एफ वन सफ्टबीच सम्झौता

मुख्य समाचार

गृहपृष्ठ
मुख्य समाचार

बैंकिङ सेवा थप प्रभावकारी बनाउन सिभिल बैंक र एफ वन सफ्टबीच सम्झौता

क्यापिटल नेपालशुक्रबार, फागुन ६, २०७८

काठमाडाैं । सिभिल बैंक र एफ वन सफ्ट इन्टरनेसनबीच ओम्नी च्यानल प्लेटफर्म सुचारु गर्दै डिजिटल बैंकिङ सेवा तथा सुविधाहरुलाई अझ बढी प्रभावकारी बनाउनका लागि सम्झौता पत्रमा हस्ताक्षर भएको छ । बैंकका प्रमुख कार्यकारी अधिकृत सुनिलकुमार पोखरेल र एफ वन सफ्टका प्रमुख कार्यकारी अधिकृत सुवास शर्माले सम्झौतापत्रमा हस्ताक्षर गरेका हुन् ।

बैंकले मोबाइल बैकिङलाई अझ बढी सबल र सुदृढ बनाई ग्राहकहरुको सहज वित्तीय पहुँचलाई मध्यनजर गर्दै उक्त स्तरोन्नति गर्न लागेको हो । स्तरोन्नतिपश्चात् बैंकका ग्राहकले मोबाइल एपमार्फत नै बैंक खाता खोल्ने, पैसा पठाउने, खातामा पैसा जम्मा गर्ने, बैंक लोन लिनेजस्ता सेवा उपभोग गर्न सक्नेछन् ।

बैंकले हाल ११५ शाखा, १० एक्सटेन्सन काउन्टर तथा ९७ एटिएममार्फत बैंकिङ सेवा प्रदान गर्दै आइरहेको छ ।

प्रकाशित मिति: शुक्रबार, फागुन ६, २०७८ १६:४४

प्रतिक्रिया दिनुहोस्