भन्सार छली ल्याएको ५ लाखकाे सामग्री बरामद

मुख्य समाचार

गृहपृष्ठ
मुख्य समाचार

भन्सार छली ल्याएको ५ लाखकाे सामग्री बरामद

क्यापिटल नेपालबुधबार, फागुन ४, २०७८

काठमाडाैं । भन्सार छली गरेर ल्याइएको करिब ५ रुपैयाँ लाखको सामग्री प्रहरीले बरामद गरेको छ ।

भन्सार छलेर ल्याइएको चिनी र रेडबुल मंगलबार साँझ प्रहरीले कावासोतीबाट बरामद गरेको हो । प्रहरी नायब उपरीक्षक दिलीपकुमार गिरीले लु १ क ४६० नम्बरको मिनीट्रकमा लुकाएर ल्याएको अवस्थामा चिनी र रेडबुल बरामद गरिएको जानकारी दिए ।

नवलपरासीको रामग्राम नगरपालिका–१ का ४० वर्षीय पशुपति चमारले चलाएको उक्त सवारीसाधन जाँच गर्ने क्रममा चिउराको भुसले छोपेर ल्याउँदै गरेको बिनाबिलको ५० किलो तौलका १०० बोरा चिनी तथा १५ कार्टुन रेडबुल बरामद गरिएको गिरीले बताए ।

प्रहरीले बरामद गरेको उक्त चिनीको मूल्य ४ लाख तथा रेडबुलको मूल्य ९० हजार रुपैयाँ पर्छ । बरामद गरिएको सामग्रीसहित ट्रक र चालक तथा रामग्राम नगरपालिका–१ का ४१ वर्षीय हिरामणि मिश्रलाई महेशपुर भन्सार कार्यालयको जिम्मा लगाएको छ ।

प्रकाशित मिति: बुधबार, फागुन ४, २०७८ १२:५६

प्रतिक्रिया दिनुहोस्