बतास समूहलाई अदालतकाे राहत, धमर्शालामाथि तत्काल हस्तक्षेप नगर्न अन्तरिम आदेश

मुख्य समाचार

गृहपृष्ठ
मुख्य समाचार

बतास समूहलाई अदालतकाे राहत, धमर्शालामाथि तत्काल हस्तक्षेप नगर्न अन्तरिम आदेश

क्यापिटल नेपालआइतबार, फागुन १, २०७८

काठमाडौं । नारायणहिटी संग्रहालयभित्र क्याफे सञ्चालनका लागि संरचना बनाएर एकाएक चर्चा र विवादमा तानिएकाे बतास अर्गनाइजेसन समूहकाे पक्षमा उच्च अदालत पाटनले अन्तरिम आदेश दिएकाे छ ।

अदालतले नेपाल-भारत मैत्री धर्मशाला सञ्चालनमा कुनै अवरोध नपुर्याउन पशुपति क्षेत्र विकास कोषलगायतका सरकारी निकायलाई अन्तरिम आदेश दिएको हाे ।

संस्कृति पर्यटन तथा नागरिक उड्डयनमन्त्री प्रेम आलेको निर्देशनमा कोषले धर्मशाला सञ्चालनमा अवरोध पुर्याउन खोजेको र यसले करार सम्झौता प्रतिकूल हुने भन्दै होटल आनन्द प्रालिले पाटन उच्च अदालतमा रिट दायर गरेको थियो ।

न्यायाधीश नरीश्वर भण्डारीको इजलासले आइतबार रिटमाथि सुनुवाई गर्दै विपक्षी पशुपति क्षेत्र विकास कोषलगायतका निकायमाथि कारण देखाऊ आदेश र अन्तरिम आदेश जारी गरेको हो ।

रिट निवेदनमा विभिन्न सञ्चारमाध्यममा आएका समाचारअनुसार तथा कोषका गतिविधिका कारा कुनै पनि बेला धर्मशाला सञ्चालनमा रोक लाग्न सक्ने तथा यसबाट करार सम्झौता उल्लंघन हुन सक्ने देखिएको भन्दै अन्तरिम आदेश माग भएकाे थियाे ।

प्रकाशित मिति: आइतबार, फागुन १, २०७८ १५:३७

प्रतिक्रिया दिनुहोस्