पोखरामा सिटिजन्स बैंकको 'प्रिमियम काउन्टर' सञ्चालन

मुख्य समाचार

गृहपृष्ठ
मुख्य समाचार

पोखरामा सिटिजन्स बैंकको 'प्रिमियम काउन्टर' सञ्चालन

क्यापिटल नेपालमंगलबार, पुस २७, २०७८

काठमाडौं । पोखराको सिमलचौर शाखामा सिटिजन्स बैंकले आफ्नो प्रिभिलेज काउन्टर विस्तार गरेको छ। जसबाट उपभोक्ताहरूले थप सहज र छिटो सुविधा पाउने बैंकले बताएको छ।

यसभन्दा अघि बैंकले प्रधान कार्यालय कमलादी शाखा, नारायणहिटी पथ, लुम्बिनी प्रदेशको कालिकानगर शाखा, प्रदेश नंं १ को विराटनगर र बिर्तामोड शाखा, तथा प्रदेश नंं २ को राजविराज शाखामा रहेको प्रिभिलेज काउन्टरबाट ग्राहकहरूलाई विशेष बैंकिङ सेवा प्रदान गर्दे आइरहेको छ।

बैंकका प्रवक्ता नारायणराज अधिकारीका अनुसार बैंकले अन्य शाखाहरूमा पनि छिट्टै प्रिभिलेज काउन्टर विस्तार गर्नेछ।

सिटिजन्स बैंकले देशभर रहेको सय ७४ वटा शाखा, १ सय २३ वटा एटीएम र ९० वटा शाखारहित बैंकिङ इकाइहरूबाट ग्राहकहरूलाई आधुनिक बैंकिङ सेवाहरू उपलब्ध गराउँदै आएको छ।

बैंकले अहिले वित्तीय आवश्यकताहरू नवीनतम प्रविधिको प्रयोगमा डिजिटलमार्फत प्रदान गरिरहेको छ। जसअन्तर्गत चेकको प्रयोग नगरी आफ्नो मोबाइल बैंकिङ एपबाट काउन्टरमा भएको क्युआर कोड स्क्यान गरी खाताबाट रकम झिक्न, स्क्यान एन्ड विथड्र ज‍स्ता सेवा लिन सकिन्छ। त्यस्तै मोबाइल बैंकिङको पिन नम्बर बिर्सेमा घरबाटै पिन रिसेट गर्न सकिन्छ।

प्रकाशित मिति: मंगलबार, पुस २७, २०७८ १६:२५

प्रतिक्रिया दिनुहोस्