नेपाल टेलिकमको प्रबन्ध निर्देशक नियुक्ति प्रक्रिया स्थगित, सर्वोच्चले दियो अन्तरिम आदेश

मुख्य समाचार

गृहपृष्ठ
मुख्य समाचार

नेपाल टेलिकमको प्रबन्ध निर्देशक नियुक्ति प्रक्रिया स्थगित, सर्वोच्चले दियो अन्तरिम आदेश

क्यापिटल नेपालसोमबार, पुस ५, २०७८

काठमाडौं । नेपाल टेलिकमको प्रबन्ध निर्देशक नियुक्ति प्रक्रिया तत्कालका लागि स्थगित भएको छ ।

टेलिकमको प्रबन्ध निर्देशक नियुक्ति तथा सेवासम्बन्धी कार्यविधिमा गरिएको उमेरहद संशोधनको मुद्दामा सर्वोच्च अदालतले अन्तरिम आदेश दिएसँगै उक्त प्रक्रिया तत्कालका लागि स्थगित भएको हो । ।

टेलिकमका डेपुटी म्यानेजर सुरेन्द्रमान सिंहले पुष २ गते नेपाल सरकार प्रधानमन्त्री तथा मन्त्रिपरिषद् कार्यालयलाई समेत विपक्षी बनाई कार्यविधि कार्यान्वयन नगराउन अन्तरिम आदेशको माग गरेका थिए ।

सोमबार बसेको न्यायधीश ईश्वरीप्रसाद खतिवडाको इजलासले विपक्षीलाई छलफलमा बोलाउने भन्दै सो अवधिका लागि कार्यविधि कार्यन्वयन गर्न अन्तरिम आदेश दिएको हो ।

यस्तै सोही कार्यविधिविरुद्ध टेलिकमकै एक अधिकारीले पनि उच्च अदालत पाटनमा मुद्दा दायर गरेका छन् ।

आफ्ना मान्छेलाई टेलिकममा भित्र्याउन सञ्चार तथा सूचना प्रविधि मन्त्रालय तथा मन्त्रिपरिषद्ले बारम्बार टेलिकमको प्रबन्ध निर्देशक नियुक्ति तथा सेवासम्बन्धी कार्यविधि संशोधन गर्दै एमडीको उमेरहद ५८ बाट घटाएर ५६ पुर्याएको छ ।

प्रकाशित मिति: सोमबार, पुस ५, २०७८ १६:३६

प्रतिक्रिया दिनुहोस्