प्रधानमन्त्री ओलीको पहिलो भिडियो कन्फ्रेन्स सुरक्षित, सुरक्षाका विषयमा अफवाह नफैलाउन आग्रह

मुख्य समाचार

गृहपृष्ठ
मुख्य समाचार

प्रधानमन्त्री ओलीको पहिलो भिडियो कन्फ्रेन्स सुरक्षित, सुरक्षाका विषयमा अफवाह नफैलाउन आग्रह

क्यापिटल नेपालमंगलबार, भदौ १०, २०७६

काठमाडौं । सोमबार प्रधानमन्त्री केपी शर्मा ओली र मन्त्रीमण्डलबीच टेलिप्रेसेन्समार्फत भएको भिडियो कन्फ्रेन्स सुरक्षित भएको प्रधानमन्त्रीका आईटी सल्लाहकार अस्गर अलीले बताएका छन् । फेसबुकमार्फत उक्त भिडियो कन्फ्रेन्स स्काइप कल, फेसबुक लाइभ, युट्युब स्ट्रिमिङ जस्तो सामान्य नभएको भन्दै यसबारे यसको सुरक्षाबारे अफवाह नफैलाउन उनले आग्रह गरेका हुन् ।

‘हिजोको टेलिप्रेजेन्समार्फत गरिएको ऐतिहासिक मन्त्रिपरिषद् बैठकमा हामीले हाम्रो र सम्माननीय प्रधानमन्त्रीज्यूबीचमा सम्पर्क स्थापित गर्न भीपीएन भर्चुअल प्राइभेट नेटवर्क प्रयोग गरेका छौं,’ उनले सामाजिक सञ्जाल फेसबुकमा लेखेका छन्, ‘प्रधानमन्त्रीज्यूले सिङ्गापुरबाट ट्रान्सफर भएको सूचना सर्वप्रथम इन्क्रिप्ट हुन्छ । इन्क्रिप्टेड डाटा क्लाउडमा जान्छ । क्लाउडबाट टीपी सर्भर (टेलिप्रेसेन्स)ले उक्त डाटा ग्रहण गर्छ । त्यसपछि पुनः डिक्रिप्ट हुन्छ । र अन्तिममा एक्सन रुम काठमाडौंमा प्राप्त हुन्छ । यो प्रक्रियाबाट नै काठमाडौंबाट पठाइने सूचनासमेत सिङ्गापुरमा प्राप्त हुन्छ । त्यसकारण सूचना पूर्णतः सुरक्षित रहन्छ ।’

साथै सुरक्षा गोपनीयताको आचारसंहिताका कारण त्योभन्दा धेरै जानकारी दिन नमिल्ने उनले उल्लेख गरेका छन् ।

प्रकाशित मिति: मंगलबार, भदौ १०, २०७६ १३:०७

प्रतिक्रिया दिनुहोस्