ब्याजदरबारे राष्ट्र बैंकको निर्देशनमाथि बैंकर्सका भिन्दाभिन्दै मत

मुख्य समाचार

गृहपृष्ठ
मुख्य समाचार

ब्याजदरबारे राष्ट्र बैंकको निर्देशनमाथि बैंकर्सका भिन्दाभिन्दै मत

क्यापिटल नेपालसोमबार, मंसिर ६, २०७८

काठमाडौं । औसत ब्याजदरमा १० प्रतिशत मात्र बढाउन पाउने राष्ट्र बैंकको निर्देशनप्रति बैंकहरूका फरक-फरक धारणा देखिएका छन् । २७ वटा वाणिज्य बैंकका सीईओहरूको सोमबार भएको छलफलमा यस्तो देखिएको हो ।

छलफलमा सहभागी अधिकांश सीईओले वर्तमान अवस्थामा ब्याज बढाउनु उपयुक्त नभएको विचार राखेका थिए । नेपाल बैंकर्स संघका अध्यक्ष तथा कृषि विकास बैंकका सीईओ अनिलकुमार उपाध्याय, एनआईसी एसियाका सीईओ रोशनकुमार न्यौपाने र नबिल बैंकका सीईओ अनिलकेशरी शाहले भने व्यवसाय विस्तारमा ब्याजदर बढाउन जोड दिए ।

ब्याजदर बढ्दा निक्षेप पनि नबढ्ने भएकाले यतातिर लाग्न नहुने अन्य बैंकरको भनाइ छ । छलफलमा सिद्धार्थ, कुमारी, नेपाल इन्भेस्टमेन्ट, प्रभु र हिमालय बैंकका सीईओहरूले ब्याजदर बढाएपछि आधारदर पनि बढ्ने तर्क गरेका छन् ।

केन्द्रीय बैंकले वाणिज्य बैंकहरूले प्रकाशन गरेको अधिकतम ब्याजदरको औसत १० प्रतिशत मात्र बढाउन पाउने व्यवस्था गरेको छ । बैंकहरूले मंसिर १ गतेदेखि ब्याजदर बढाउन् तयारी गरिरहेका बेला राष्ट्र बैंकले यस्तो निर्देशन दिएको हो ।

बैंकहरूले ब्याजदर बढाउन प्रतिस्पर्धा गरिरहँदा कात्तिक २ गते अघिल्लो महिना सार्वजनिक भएको ब्याजदरमा १० प्रतिशत मात्र बढाउने जारी निर्देशनलाई आइतबार थप संशोधन गर्दै औसतका आधारमा बढाउन निर्देशन दिएको छ ।

प्रकाशित मिति: सोमबार, मंसिर ६, २०७८ १३:१२

प्रतिक्रिया दिनुहोस्