सहरी सौन्दर्यको लागि पोल भाडा बढाएको कुलमानको दाबी, सहकार्य गर्न तयार

मुख्य समाचार

गृहपृष्ठ
मुख्य समाचार

सहरी सौन्दर्यको लागि पोल भाडा बढाएको कुलमानको दाबी, सहकार्य गर्न तयार

क्यापिटल नेपालमंगलबार, असोज १२, २०७८

काठमाडौं । नेपाल विद्यूत प्राधिकरणका कार्यकारी निर्देशक कुलमान घिसिङले पोलभाडा मूल्यवृद्धि ठूलो विषय ठूलो नभएको बताउँदै आफुहरू सहकार्य गरेर जानसक्ने बताएका छन् ।

तराई विकास तथा सञ्चार केन्द्रले आयोजना गरेको कार्यक्रममा बोल्दै उनले प्राधिकरण सरकारकै अंग भएको हुनाले जनताले पाइरहेको सेवा नै अबरूद्ध हुने तरिकाले कुनै कदम नउठाउने बताएका छन् ।

प्राधिकरणले अहिले उठाइरहेको भाडादर धेरै पुरानो सम्झौता भएको भन्दै उनले सहरी सौन्दर्यतालाई ध्यानमा राखेर मूल्यवृद्धि गरेको बताएका हुन् ।

सेवाप्रदायकबीच सहप्रयोग नहुँदा हाम्रो पोल नै धराशायी बनेका छन् घिसिङले भने, १ कोर होस् वा २४ कोर तारको भार र आकार एउटै हो । पोललाई पर्ने भार र ओगट्ने भाग एउटै हो । ठूलो कोर क्षमताको तार सहप्रयोग गर्ने हो भने कति पनि मूल्य बढ्दैन ।

हालको पोलभाडा दरका आधारमा प्राधिकरणले २५ देखि ३० करोड रूपैयाँसम्म आम्दानी गरिरहेको र बढाएको मूल्यका आधारमा आम्दानी बढेर ५० करोडसम्म पुग्ने उनले बताए ।

इन्टरनेट सेवाप्रदायकबीच केबल तथा अप्टिकल फाइबरमा सहकार्य नहुँदा आफ्नो पोलमा झुण्डिएका ९५ प्रतिशत तार प्रयोगविहिन र ५ प्रतिशत मात्र प्रयोगमा रहेको उनले बताए । यद्यपि उनले पोलभाडाको अति चर्को मूल्य वृद्धि गर्नु पछाडी कुनै वैज्ञानिक कारणबारे स्पष्ट पारेनन् ।

प्रकाशित मिति: मंगलबार, असोज १२, २०७८ १७:००

प्रतिक्रिया दिनुहोस्