सिंगटीको बिजुली प्रणालीमा जोडियो, सिंगटी हाइड्रोले ७० करोड आम्दानी गर्ने

मुख्य समाचार

गृहपृष्ठ
मुख्य समाचार

सिंगटीको बिजुली प्रणालीमा जोडियो, सिंगटी हाइड्रोले ७० करोड आम्दानी गर्ने

क्यापिटल नेपालशनिबार, साउन २, २०७८

काठमाडौं । सिंगटी हाइड्रो इनर्जी लिमिटेडले निर्माण गरेको सिंगटी खोला जलविद्युत आयोजनाले विद्युत उत्पादन सुरु गरेको छ । सम्पन्न भएको करिब डेढ वर्षपछि शुक्रबारदेखि आयोजनाको विद्युत राष्ट्रिय प्रसारण प्रणालीमा जोडिएको हो । आयोजनाको जडित क्षमता २५ मेगावाट छ । आयोजनामा सर्वसाधारणको लगानी रहेको छ ।

नेपाल विद्युत प्राधिकरणले १३२ केभी क्षमताको सिंगटी–लामोसाँघु प्रसारण लाइन बिहीबारदेखि सञ्चालन गरेपछि आयोजनाबाट बिजुली उत्पादन सुरु भएको कम्पनीका सञ्चालक बटु लामिछानेले जानकारी दिए ।

उनले शनिबार बिहानदेखि २५ मेगावाट प्रणालीमा जोडिएको उनले जानकारी दिए । आयोजनाले १५ दिनसम्म परीक्षण उत्पादन गर्नेछ । त्यसपछि व्यवसायिक उत्पादन हुने उनले लामिछानेले बताए । आयोजनाबाट कम्पनीले वार्षिक ७० करोड रुपैयाँ आम्दानी गर्नेछ ।

आयोजना सोरुङदेखि सिंगटीसम्मको ५ हजार ६०७ मिटर लामो प्रेसर टनेलबाट पहिलो चरणमा प्रतिसेकेण्ड ५ हजार लिटर पानी छोडिएको छ । विद्युतगृहका २ वटा टर्वाइनमार्फत विद्युत उत्पादन भएको छ । २०७३ अन्तिमबाट सिभिल संरचना निर्माणको काम सुरु गरिएको थियो ।

आयोजना झण्डै डेढ वर्ष अघिनै निर्माण सम्पन्न भए पनि प्रसारण लाइन समयमा निर्माण सम्पन्न नहुँदा विद्युत उत्पादन हुन सकेको थिए ।
आयोजना बनाउन ५ अर्ब ५० करोड रुपैयाँ खर्च भएको छ ।

प्रकाशित मिति: शनिबार, साउन २, २०७८ १३:०२

प्रतिक्रिया दिनुहोस्