काठमाडौ । दैनिक रुपमा प्रयोग हुने सम्पूर्ण सामानहरू भरपर्दो र विश्वाशिलो माध्यमबाट एकै ठाउँबाट उपलब्ध गराउने उद्देश्यले नयाँ ई–कमर्स वेवसाइट किन्निहो डटकम सुरु भएको छ ।
कोरोना महामारीबीच बढ्दै गएको ई–कमर्श व्यवसायमा सबै किसिमका ग्राहकहरुलाई सहज सेवा प्रदान गर्ने उद्देश्यले बुधबारदेखि नयाँ ई–कमर्स वेवसाइट सुरु गरेको कम्पनीले जनाएको छ ।
कम्पनीले आफ्नो वेवसाइटमा सबै प्रकारका ल्यापटप, मोबाइललगायतका इलेक्ट्रोनिक्स, स्टेशनरी र अफिस सप्लाई, सौन्दर्य, खेल तथा मनोरञ्जनसम्बन्धी सामग्रीहरु उपलब्ध गराएको छ । यस्तै आफ्नै मार्ट पनि सुचारु गरेको कम्पनीले जनाएको छ ।
किन्निहोले ग्राहक सेवालाई मध्यनजर गर्दै सबै किसिमका सामानहरु सुपथ मूल्यमा उपलब्ध गराउनुका साथै सुचारु भएको एक महिनासम्म फ्री डेलिभरी सेवा पनि प्रदान गर्ने कम्पनीका प्रमुख कार्यकारी अधिकृत (सीईओ) नरेश पोखरेलले बताए ।
उनले नयाँ वेवसाइटमा सबै किसिमका पेमेन्ट गेटवेहरुबाट अनलाइन पेमेन्ट गर्न सकिने र विदेशमा समेत डेलिभरी दिइने बताए ।
कम्पनीले एक दशकदेखि न्यू मुक्तिनाथ ट्रेडर्स एण्ड सप्लायर्सको नामबाट थोक तथा खुद्रा व्यवसायको रुपमा कागज तथा पब्लिकेसनका लागि चाहिने सम्पूर्ण सामान बिक्री वितरण गर्नुका साथै घरायसी सामान, किचनवेयर, इलेक्ट्रोनिक सामान तथा अन्य वस्तु तथा सेवा उपलब्ध गराउँदै आएको थियो ।
