ज्योति लाइफ इन्स्योरेन्सको नाफा बढेर १२ करोड पुग्यो

मुख्य समाचार

गृहपृष्ठ
मुख्य समाचार

ज्योति लाइफ इन्स्योरेन्सको नाफा बढेर १२ करोड पुग्यो

क्यापिटल नेपालसोमबार, वैशाख १३, २०७८

काठमाडौं । चालु आर्थिक वर्षको तेस्रो त्रैमाशमा ज्योति लाइफ इन्स्योरेन्स कम्पनी लिमिटेडको खुदनाफा बढेर १२ करोड ७ लाख रुपैयाँ पुगेको छ । अघिल्लो वर्षको तेस्रो त्रैमाशमा कम्पनीको नाफा ११ करोड ५१ लाख रुपैयाँ थियो । गत आर्थिक वर्षको तुलनामा चालु आर्थिक वर्षमा कम्पनीको नाफा ४.८८ प्रतिशतले बढी हो ।

हालसम्म जीवन बिमा कोषको आकार १४८.९५ प्रतिशतले बढेर ३ अर्ब ४९ करोड ६७ लाख रुपैयाँ पुगेको छ । अघिल्लो वर्ष यसै अवधिमा जीवन बिमा कोषमा १ अर्ब ४० करोड ४५ लाख रुपैयाँ रहेको कम्पनीले सोमबार सार्वजनिक गरेको वित्तीय विवरणमा उल्लेख छ ।

समीक्षा अवधिमा कम्पनीको खुद बिमा शुल्क १००.९६ प्रतिशतले बढेर २ अर्ब २१ करोड ९ लाख ७७ हजार रुपैयाँ पुगेको छ । अघिल्लो वर्ष १ अर्ब १० करोड १ लाख ७४ हजार रुपैयाँ खुद बिमा शुल्क आर्जन गरेको थियो ।

कम्पनीको चुक्ता पुँजी २ अर्ब २० करोड रुपैयाँ छ । यसैगरी जगेडा कोषमा ६० करोड ४ लाख रुपैयाँ छ । प्रतिसेयर आम्दानी ७ रुपैयाँ ३२ पैसा र प्रतिसेयर नेटवर्थ १३० रुपैयाँ ३३ पैसा छ ।

प्रकाशित मिति: सोमबार, वैशाख १३, २०७८ ०८:२७

प्रतिक्रिया दिनुहोस्