७ हजार एमएएच ब्याट्री भएको सामसङ फोन बजारमा

मुख्य समाचार

गृहपृष्ठ
मुख्य समाचार

७ हजार एमएएच ब्याट्री भएको सामसङ फोन बजारमा

क्यापिटल नेपालआइतबार, वैशाख ५, २०७८

काठमाडौं । दक्षिण कोरियाली मोबाइल कम्पनी सामसङले ‘सामसङ ग्यालेक्सी एम–६२’ बजारमा ल्याएको छ। सो फोनमा कम्पनीले विशेष गरी प्रोसेसर, क्यामरा, ब्याट्री र स्टोरेजलाई जोड दिएको छ।

सो फोनमा ७ हजार एमएएच ब्याट्री भएकाले प्रयोगकर्तालाई पटक–पटक फोन चार्ज गरिरहनु पर्दैन। साथै २५ वाटको चार्ज सुविधा पनि दिइएको छ। यसको सहायताले प्रयोगकर्ताले २ घण्टामा फोन पूरा चार्ज गर्न सक्छन्।

फोनमा चार क्यामरा छन्। जसमा ६४ मेगापिक्सल वाइड, १२ मेगापिक्सलको अल्ट्रा वाइड, ५ मेगापिक्सलको डेफ्थ र ५ मेगापिक्सलको माइक्रो क्यामरा छ।

यी लेन्सको सहायताले प्रयोगकर्ताले आँखाले जस्तो देखिन्छ, त्यस्तै फोटो खिच्न सक्छन्। फोनबाट ‘स्लो मो’मा सेल्फी खिच्न सकिने सुविधा छ । यसमा फोके भिडियो खिच्न सकिन्छ।

फोनमा ६.७ इञ्चको सुपर एमोलोइड डिस्प्ले दिइएको छ। याे फोन तीन रङमा उपलब्ध छ। यसलाई ६ जीबी र्याम र १२८ जीबी स्टोरेजमा किन्न पाइन्छ। फोनको मूल्य ४४ हजार ९ सय ९९ रुपैयाँ छ।

प्रकाशित मिति: आइतबार, वैशाख ५, २०७८ १४:५५

प्रतिक्रिया दिनुहोस्