नोकियाका नयाँ मोडलका ६ वटा फोन नेपाली बजारमा

मुख्य समाचार

गृहपृष्ठ
मुख्य समाचार

नोकियाका नयाँ मोडलका ६ वटा फोन नेपाली बजारमा

क्यापिटल नेपालमंगलबार, चैत ३१, २०७७

काठमाडौं । एचएमडी ग्लोबलले नोकियाका नयाँ फोन नेपाली बजारमा भित्र्याएको छ । ग्लोबल कम्पनीले पुरानो प्रख्यात नोकिया फोनका एक्स–सिरिज, जी सिरिज र सी सिरिजका ६ वटा नयाँ फोन बजारमा ल्याएको हो ।

एक्स–सिरिजमा नोकिया एक्स २० र नोकिया एक्स १० रहेका छन् । त्यस्तै जी सिरिजमा नोकिया जी २० र नोकिया जी १० समावेश गरिएको छ । कम्पनीका अनुसार सी सिरिजमा नोकिया सी १० र नोकिया सी २० रहेका छन् ।

नयाँ मोडलका फोनमा सिग्नेचर ड्युराबिलिटी र ब्याट्री टिकाउ हुने भएकाले लामो समयसम्म टिकाउ हुने ग्लोबलले जनाएको छ ।

एचएमडी ग्लोबलका प्रमुख कार्यकारी अधिकृत (सीईआ) फ्लोरियन सेशेले बितेको १२ महिना कम्पनीका लागि चुनौतीपूर्ण रहेपनि आफ्नो कार्य नरोकेको कारण नयाँ मोडलका फोनहरू बजारमा ल्याउन सफल भएको बताएका छन् ।

नयाँ पोर्टफोलियोको शीर्ष स्थानमा नोकिया एक्स २० र नोकिया एक्स १० रहेका छन् । जी सिरिज नोकिया जी २० र नोकिया जी १० का साथ आउँदै छ ।

जी रेन्जका दुवै फोनमा रहेको सुविधा भनेको तीन दिनको ब्याट्री लाइफ हो–जुन नोकिया स्मार्टफोनहरू मध्ये अहिलेसम्म कै लामो हो । साथै नयाँ फोनले डेटालाई सुरक्षित राख्ने कमपनीले जनाएको छ ।

सी सिरिजले नोकिया सी २० र नोकिया सी १० थप गरेको छ । सुपथ मूल्यमा उपलब्ध साे फोन २० प्रतिशा छिटो रफ्तार र सुधारिएको सुरक्षा सुविधाको साथ बजारमा आएको हो ।

प्रकाशित मिति: मंगलबार, चैत ३१, २०७७ १६:०४

प्रतिक्रिया दिनुहोस्