कोभिड प्रभावित श्रमजीवी पत्रकारहरुलाई राहत प्याकेजः सञ्चारमन्त्री गुरुङ

मुख्य समाचार

गृहपृष्ठ
मुख्य समाचार

कोभिड प्रभावित श्रमजीवी पत्रकारहरुलाई राहत प्याकेजः सञ्चारमन्त्री गुरुङ

क्यापिटल नेपालआइतबार, माघ २५, २०७७

काठमाडौं । सञ्चार तथा सूचना प्रविधिमन्त्री पार्वत गुरुङले कोभिड प्रभावित श्रमजीवी पत्रकारहरुलाई राहत प्याकेज ल्याउने घोषणा गरेका छन् ।

सरकारका प्रवक्तासमेत रहेका मन्त्री गुरुङले त्यसका लागि आवश्यक सुुझाव दिन नेपाल पत्रकार महासंघसहित सरोकारवाला निकायलाई आग्रहसमेत गरे ।

‘कोभिड प्रभावित सञ्चार गृह र श्रमजीवी पत्रकारहरुलाई तत्काल राहत दिनका लागि आवश्यक सुुझाव दिन म पत्रकार र पत्रकारहरुको संघ, संगठन सबैलाई आग्रह गर्छुु,’ ‘सरोकारवाला निकायले दिएको सुुझावको आधारमा सरकारले राहत कार्यक्रम ल्याउनेछ,’ मन्त्री गुुरुङले भने ।

मन्त्री गुरुङले आगामी आर्थिक वर्षको नीति, कार्यक्रम र बजेटबारे मन्त्रालयलाई सुुझाव दिन सरोकारवाला निकायलाई आग्रहसमेत गरे ।

सञ्चार तथा सूचना प्रविधि मन्त्रालयद्वारा आइतबार काठमाडौंमा आयोजित ‘आम सञ्चार र श्रमजीवी पत्रकार’ नीति, कार्यक्रम र बजेट’ विषयक छलफल कार्यक्रममा बोल्दै उनले आगामी आर्थिक वर्षको नीति, कार्यक्रम र बजेटबारे समयमै सुुझाव दिन आग्रह गरे ।

प्रकाशित मिति: आइतबार, माघ २५, २०७७ १७:०७

प्रतिक्रिया दिनुहोस्