काठमाडौं । स्पार्क अटोमोटिभ्सले भारतको लोकप्रिय हेभी इक्युपमेन्ट उत्पादन कम्पनी एसीई ब्राण्डको मेशिनहरु नेपालमा भित्र्याएको छ । एसीई कम्पनीद्वारा उत्पादीत यी हेभी इक्युपमेन्टहरु विभिन्न निर्माण कार्यमा अतिनै लोकप्रिय रहेका छन् ।
हेभी इक्युपमेन्टसहरुमा ३–४० टनका क्रेन, ब्याक्हो लोडर, व्हील लोडर तथा बिभिन्न सडक निर्माणमा आवश्यकपर्ने कम्याक्टर, टेन्डम रोलर, ग्रेडर एंवम वेयर हाउस इक्युपमेन्टमा फर्कलिफ्ट, स्ट्रयाकर आदी रहेका छन् ।
स्पार्क अटोमोटिभ्सले बागमती र नारायणीका लागि ल्याएको हो । स्पार्क अटोमोटिभ्सकोे वर्कसप तथा शोरुम काठमाडौं तथा वीरगञ्जमा रहेको छ । कर्पोरेट अफिस नक्साल,काठमाडौंमा रहेको छ ।
यसको साथसाथै कम्पनीले नेपालमा आवश्यक पर्ने एसीई ब्राण्डका अन्य उत्पादनहरु समेत बजारमा क्रमश बिक्री बितरण गर्ने र भविष्यमा बिक्री पश्चात सर्भिस सेवालाई पनि उत्तिकै महत्वमा राखी समय अनुसार शाखाहरु बिस्तार गर्दै लैजाने जनाएको छ ।
एसीई इक्युमेन्ट भारतको अग्रणी निर्माण सम्बन्धि उपकरण निर्माण गर्ने कम्पनी हो । जसले निर्माण तथा उत्पादन गरेको निर्माण सामाग्री उपकरण देशभरीका सबै प्रमुख पुर्वाधार निर्माण,ठुलठुला निर्माण र औद्योगिक परियोजनाहरुमा रहेको छ ।
एसीईले आफ्नोे उत्पादनहरुको बिक्री बितरण मध्यपूर्व, एशिया, अफ्रिका तथा दक्षिण अफ्रिकी मुलुकहरुमा समेत गर्दै आइरहेको छ ।
-1732541848.jpg)
