शिखर इन्स्योरेन्सले ‘शिखर अटो प्लस बीमा योजना’ आज सार्वजनिक गरेको छ। सोमबार राजधानीमा एक कार्यक्रम गरी उक्र योजना सार्वजनिक गरेको हो ।
बीमा समितिका अध्यक्ष चिरञ्जीवी चापागाईले शिखर इन्स्योरेन्स कम्पनीले आजबाट औपचारिक रूपमा बिक्री सुरू गरेको अटो प्लस बीमा योजना शुभारम्भ गरेका हुन् ।कम्पनीका संचालक समितिका अध्यक्ष राजेन्द्र प्रसाद श्रेष्ठ, बीमा समितिका कार्यकारी निर्देशक राजुरमण पौडेल, नेपाल पुनर्बीमा कम्पनी डेपुटी सिइयो दामोदर भण्डारीको उपस्थितिमा नयाँ अटो प्लस बीमा योजना सार्वजनिक गरिएको हो ।
शिखर अटो प्लस बीमा योजनामा दुर्घटनामा हुने ह्रास कट्टी फिर्ता, मर्मतको समयमा ट्याक्सी खर्च र पूर्ण क्षतिमा नयाँ सवारी साधन दिने सुबिधा समावेश भएको कम्पनीका सिइओ दीप प्रकाश पाण्डेले जानकारी दिए ।
कार्यक्रममा बीमा समितिका अध्यक्ष चिरञ्जीवी चापागाईले कोरोना बीमाकै कारण विश्वव्यापी महामारी फैलिइएको समयमा पनि देशको अर्थतन्त्र चलायनमान बन्न सफल भएको बताएका छन् ।
अध्यक्ष चापागाईले भने, ‘कोरोना भाइरसको महामारीले त्रसिद भएका यातायात मदजुर, बैंक वित्तीय संस्था कर्मचारी र सरकारी तथा गैर सरकारी संस्थामा कार्यरत कर्मचारीहरुलाई कोरोना बीमाले सुरक्षा प्रत्याभूति गरेकै कारण बाहिर निस्कन सम्भव भएको हो ।’
अध्यक्ष चापागाईले कोरोना बीमा सर्वसाधारणलाई सामाजिक उत्तरदायित्व अन्तर्गत बीमा सेवा प्रदान गर्ने उद्देश्यले सुरु गरिएकोमा असोज कार्तिकमा अत्याधिक बीमा दावी परेको तथा सोही समयमा अधिकांश बीमा कम्पनीका कर्मचारीहरु नै कोभिडबाट संक्रमित भएकोले दावी भुक्तानीमा ढिलाई भएको स्वीकार गर्दै सबै बीमितलाई दावी भुक्तानी दिलाउने प्रतिबद्धता व्यक्त गरे ।
अध्यक्ष चापागाईले कोरोना बीमामा राज्यलाई केही घाटा भएपनि सिंगो अर्थतन्त्र चलायमान बनाउन महत्वपूर्ण भूमिका निर्वाह गरेको बताए । अध्यक्ष चापागाईले मोटर बीमाले बहन नगर्ने जोखिम समेत अब समेटिएको बताउँदै शिखर अटो प्लस बीमा योजनाको सफलताको शुभकाना व्यक्त गरे ।
कार्यक्रममा शिखर इन्स्योरेन्सका अध्यक्ष राजेन्द्र प्रसाद श्रेष्ठले नयाँ बीमा योजनाले आम सवारी धनीहरुको समस्याहरुको समाधान गर्ने बताउँदै शिखर इन्स्योरेन्स सधैं सेवाग्राही अधिकतम हितमा काम गर्ने प्रतिबद्धता जनाए ।
-1732541848.jpg)
