काठमाडौं । कोभिड-१९ को कारण पर्यटन क्षेत्र र त्यसमा पनि होटल क्षेत्र नराम्रोसँग प्रभावित भइरहेको बेला नयाँ जोश र उत्साहका साथमा पूर्वि नेपाल झापामा पहिलो पाँचतारे होटलको रुपमा ‘होटल मेची क्राउन’ सञ्चालनमा आएको छ । होटलको व्यवस्थापन द पीक हस्पिटालिटीले गरेको छ ।
पवित्रकुमार कार्की, बलराम सापकोटा, सुरेशमान श्रेष्ठलगायतको लगानीमा क्राउन प्लाजा भेगास इन्टरटेन्मेन्ट प्रालिले ८ विघा क्षेत्रफलमा डेढ अर्ब रुपैयाँ लगानी रहेको छ ।
यो पनि पहिलोपटक नेपाली व्यवस्थापनमा पाँचतारे होटल, बैशाखदेखि सञ्चालनमा मेची क्राउन
समकालीन शैलीको वास्तुकलाको मूर्तिको रूपमा गर्व गर्दछ, बगैंचामा विशाल स्वागत पानीको झरना र हावा घरले यहाँ आउने अतिथिहरुलाई पक्कै पनि मोहित गर्ने छ, द पीक हस्पिटालिटीका अध्यक्ष दिपक लेखकले भने ।
१०५ कोठामध्ये ५ मेची सुइट्स रुम, १० वटा एजुकेटिभ भिला रुम, १९ मेची क्लब रुम र ७१ वटा डिलक्स रुम छन् । पूर्वको प्रवेशद्वार धुलाबारीमा सञ्चालनमा रहेको सो होटलमा पुग्न चन्द्रगढी विमानस्थलबाट १७ किलोमिटर टाढा छ ।
भारतको बागडोग्रा विमानस्थलबाट २५ किलोमिटरको मात्रै दुरिमा रहेको होटल नेपालमात्रै हैन भारतीय पर्यटकहरुको रोजाइमा पर्ने अपेक्षा गरिएको सञ्चालक पवित्राकुमार कार्कीले जानकारी दिए । भारतिय क्षेत्रमा यो स्तरको होटल नभएकोले एक विकल्प हुने उनको विश्वास छ ।
बंगलादेश पनि नजिकै भएकोले उक्त क्षेत्रका खर्चालु पर्यटकहरु समेत सहज आउने एक गन्तव्य यो होटल हुुने उनीरुको अपेक्षा छ ।
विवाह, बैठक, सम्मेलन, सेमिनार आदिका लागि पनि यस होटलमा सुबिधासम्पन्न हलहरु पर्याप्त छन् । यसमा दुईवटा रेष्टुराँ छन् ।
होटल तथा क्यासिनो पूर्णरुपमा सञ्चालन भएपछि करिब ९०० नेपालीहले यहाँ प्रत्यक्ष रोजगार पाउने छन् । होटलमा भिआइपी आगमनका लागि आफ्नै निजी हेलिप्याड निर्माण गर्न लागिएको छ ।
बेसक्याम्प
बेसक्याम्पमा दिनभरि खाने मल्टि क्युसिन रेष्टुराँहरूले केही लोकप्रिय व्यञ्जनहरू प्रस्तुत गर्दछ जुन फुडको सन्तुष्टिलाई सन्तुष्ट पार्दछ । बिहानको खाजा, खाना, रात्रिभोज र मनपर्दो मध्य दिन बिहानको खाजा र रमाइलो पेय पदार्थहरूको उत्तम आनन्द लिइन्छ ।
द मेचे बार
थकानपूर्ण दिनलाई चिसो बियर र ककटेलको आनन्दले अन्त्य गर्न मेचे बार उत्कृष्ट रहेको छ । मेची बारले आनन्दमय वातावरणमा व्यापारिक मिटिङका लागि पनि उचित स्थान प्रदान गर्दछ । पारिवारिक जमघट होस् वा साथीभाइ भेटघाट, मेची बारका सेवानिष्ठ बारटेन्डरहरु बाट हरदम सेवा को आनन्द सकिन्छ । हाम्रो बार भएका अन्तर्राष्ट्रिय वाइन तथा ड्रिङसले मेची बारलाई झन उत्कृष्ट बनाउँछ ।
सगरमाथा बलरुम
हाम्रो कञ्चनजंघा बलरुममा ३ सय जनालाई राउन्डटेबलमा आरामदायी रुपमा बस्न मिल्ने स्थान रहेको छ । साथै सबै प्रकारका सभा, समारोह तथा गोष्ठीहरुका लागि पनि उचित हुने गरी १ हजार ५ सय जनासम्म अटाउने रिसेप्सन हल रहेको छ ।
जसका लागि आन्तरिक तथा वाह्य वातावरण दुवैको छानौट सुविधा रहेको छ । खानाको स्टलका लागि छुट्टै स्थान को सुविधा रहेको छ । बाहिर हरियालीपूर्ण बगैंचासहित पानीको फाउन्टेलको मनोरम वातावरण प्रदान गर्दछ ।
