फागुन मसान्तसम्म दस्तुर तिर्न स्मार्टलाई अन्तिम मौका

मुख्य समाचार

गृहपृष्ठ
मुख्य समाचार

फागुन मसान्तसम्म दस्तुर तिर्न स्मार्टलाई अन्तिम मौका

क्यापिटल नेपालमंगलबार, असोज १३, २०७७

काठमाडौं । सरकारले स्मार्ट टेलिकमले तिर्नुपर्ने नवीकरण दस्तुरको म्याद फागुन मसान्तसम्मका लागि अन्तिमपटक थप गरेको छ । नवीकरण दस्तुर तिर्न आनाकानी गरिरहेको स्मार्टले कोरोना महामारी र निषेधाज्ञालाई देखाउँदै आठौं किस्ता तिर्ने म्याद थपको निवेदन सञ्चार मन्त्रालयलाई दिएको थियो ।

उक्त रकम तिर्न तेस्रोपटक सरकारले अन्तिम मौका दिएको हो । आठौं नवीकरण किस्ताबापत सरकारलाई स्मार्टले १ अर्ब २५ करोड रुपैयाँ तिर्नुपर्ने हुन्छ ।

लकडाउनको अवधिमा बैंकहरूले ऋण दिन नसक्ने अवस्था भएको भन्दै आधारभूत टेलिफोन सेवाको अनुमतिपत्रको नवीकरण दस्तुरको समय लम्ब्याउन सञ्चार मन्त्रालयलाई पत्र पठाएको थियो ।

स्मार्ट टेलिकमले गत वर्ष चैत मसान्तभित्रै भुक्तानी गर्नुपर्ने भए पनि विभिन्न बाहना बनाउँदै पटक–पटक म्याद थप्न माग गर्दै आएको छ । आठौं किस्ताका लागि स्मार्ट टेलिकमले यसअघि दुईपटक सम्म म्याद थप गरिसकेको छ ।

भदौ २९ गते बसेको मन्त्रिपरिषद्को बैठकले स्मार्टलाई फागुन मसान्तसम्मको समय अविधिसम्म बक्यौता नतिरे सरकारको अधिनमा लिने गरी काम अघि बढाउन नेपाल दूरसञ्चार प्राधिकरणलाई निर्देशन दिएको छ । मन्त्रिपरिषद्को बैठकले दिएको ३ बुँदे निर्देशनको विषय असोज ७ गते सञ्चार तथा सूचना प्रविधि मन्त्रालयले प्राधिकरणलाई जानकारी गराएको छ ।

प्रकाशित मिति: मंगलबार, असोज १३, २०७७ १३:५८

प्रतिक्रिया दिनुहोस्