×

उदयपुरको तोरीबारीमा सिटिजन्स बैंकको ९५ औं शाखारहित बैंकिङ सेवा 

images

काठमाडौं । सिटिजन्स बैंक इन्टरनेसनलले उदयपुर जिल्लाको त्रियुगा नगरपालिका– ७ स्थित तोरीबारीमा ९५ औं शाखारहित बैंकिङ सेवा सुरू गरेको छ ।

साे बैंक इन्टरनेसनलले देशका विभिन्न दुर्गम स्थलका बासिन्दाहरुलाई बैंकिङ सेवा पुर्‍याउने उद्देश्यका साथ शाखारहित बैंकिङ सेवा विस्तारलाई निरन्तरता दिएको छ । 

उक्त स्थानमा सेवा सञ्चालनका लागि स्थानीय व्यवसायी बाबुराम थापालाई व्यावसायिक प्रतिनिधि नियुक्त गरिएको बैंकले जनाएको छ । 

शाखारहित बैंकिङबाट निक्षेप संकलन, कोष स्थानान्तरण, रकम भुक्तानी,  मोबाइल फोनको बिल भुक्तानी, उपयोगी सेवाहरुको रकम भुक्तानीलगायत बैंकले प्रदान गर्ने अन्य सेवाहरु उपलब्ध गराउने लक्ष्य राखिएको बैंकले जारी गरेको विज्ञप्तिमा उल्लेख छ । 

यस सेवाबाट ग्रामीण क्षेत्रमा बैंक प्रति उल्लेखिय विश्वास एंव बैंकिङ सभ्यताको बिस्तार हुने अपेक्षा बैंकले लिएको छ । 

शुक्रबार​ १० असार २०७९ ११:५७ AM मा प्रकाशित

प्रतिक्रिया