×

 काठमाडौंको चाबहिल र मित्रपार्कमा आकाशे पुलको शिलान्यास, लागत १.३० करोड

images

काठमाडौं । काठमाडौंको चाबहिल चोक र मित्रपार्कमा आकाशे पुल बन्ने भएको छ । काठमाडौं महानगरपालिकाको भ्याटबाहेक १ करोड ३० लाख ४२ हजार ५ सय ७८ लागतमा बन्न लागेको उक्त पुलको आज महानगर प्रमुख विद्यासुन्दर शाक्यले शिलान्यास गरे ।

कार्यक्रममा महानगरपालिका प्रमुख शाक्यले आकाशे पुल निर्माणसँगै चाबहिल र मित्रपार्क क्षेत्रमा हुने ट्राफिक जाममा कमी आउने बताए। “स्थानीय बासिन्दाको मागअनुसार नै पुल शिलान्यास गरेका हौं, स्थानीयको साथ र सहयोग रहेमा तोकिएको समयभन्दा अगावै पुल निर्माण गरिसक्छौँ”, उनले भने।

चाबहिल चोकको दक्षिणतर्फ बनाइएको पुलले ट्राफिक जाममा सहज बनाएकाले उत्तरतर्फको भागमा पनि पुल निर्माण गर्न लागिएको उनको भनाइ छ । यस्तै महानगरपालिकाकै लगानीमा जयवागेश्वरी क्षेत्रमा समेत पुल निर्माण भइरहेको छ । चाबहिल र गौशाला क्षेत्रमा चार पुल बनाइए पनि सडक दुर्घटना र ट्राफिक जाममा कमी आउने नगरप्रमुख शाक्यले बताए।

सविरा कन्स्ट्रक्सनले निर्माण गर्न लागेको उक्त पुल विसं २०७९ जेठ मसान्तसम्म सम्पन्न गरिसक्नुपर्नेछ । दुवै पुल ३३ मिटर लम्बाइ र दुई मिटर चौडाइका हुनेछन् । 

आइतबार​ ९ माघ २०७८ ०१:३५ PM मा प्रकाशित

प्रतिक्रिया