बुधबार, साउन १३ २०७८ १०:२६ AM

×

भारतमा पनि पेट्रोलियम पदार्थको मूल्य फेरि बढ्यो

images

भारतमा इन्धनको मूल्य शनिबार पुनः बढेको छ । शनिबार संघीय राजधानी नयाँ दिल्लीमा पेट्रोल र डिजेलकोे खुद्रा बिक्री क्रमशः १०० रूपैयाँ ९१ पैसा र ८९ रूपैयाँ ८८ पैसा (भारू)  प्रतिलिटर कायम भएको छ । दिल्लीमा पेट्रोल यसअघिभन्दा ३५ पैसा र डिजेल २६ पैसाले वृद्धि भएको छ । 

अन्य राज्यहरूले पनि पेट्रोल र डिजेलको मूल्य बढाएका छन् । देशभर दरहरू बढाइएको भए पनि मूल्य अभिवृद्धि करको कारण मूल्यमा फरक राज्यमा मूल्यमा पनि भिन्नता देखिएको छ । महाराष्ट्रको राजधानी मुम्बईमा पेट्रोलको मूल्य प्रति लिटर १०६ रूपैयाँ ९३ पैसा कायम भएको छ भने डिजेलको मूल्य प्रतिलिटर ९७ रूपैयाँ ४६ पैसा पुगेको छ । 

महाराष्ट्रका उपमुख्यमन्त्री अजित पवारले शुक्रबार भने, “पेट्रोल र डिजेलको उच्च मूल्यमा दबिएका आम नागरिकलाई राहत दिन केन्द्रले ‘ठूलो मन’ बनाउनुपर्ने र इन्धनको करलाई घटाउनु पर्ने देखिएको छ ।” 

मध्य प्रदेशको भोपालमा पनि पेट्रोलको मूल्य बढेको छ । यहाँ पेट्रोल प्रति लिटर १०९ रूपैयाँ २४ पैसा र डिजेलमा प्रतिलिटर ९८ रूपैयाँ ६७ पैसा तोकिएको छ । 

त्यस्तै काेलकातामा पेट्रोल प्रतिलिटर १०१ रूपैयाँ ०१ पैसा र डिजेलमा प्रतिलिटर ९२ रूपैयाँ ९७ पैसा कायम भएको छ । 

उत्तर प्रदेशका भाजपा राज्यसभा सांसद हरदीप सिंह पुरीले बिहीबार केन्द्रीय पेट्रोलियम र प्राकृतिक ग्यासमन्त्रीको पदभार समालेबा थिए। मन्त्रीको जिम्मेवारी सम्हालेसँगै उनले कच्चा तेल र प्राकृतिक ग्यासको स्वदेशी उत्पादन बढाउने बताए। 

उनले भने, “हाम्रो ध्यान कच्चा तेल र प्राकृतिक ग्यासको बढ्दो घरेलु उत्पादनमा केन्द्रित हुनेछ । प्रधानमन्त्री नरेन्द्र मोदीको एक आत्मानिरभर भारतको अवधारणा अनुरुप हामी मुलुकमा प्राकृतिक ग्यास आधारित अर्थतन्त्रको विकासतर्फ काम गर्ने छौं ।” एपी
 

शनिबार २६ असार २०७८ ०७:०१ PM मा प्रकाशित

प्रतिक्रिया