‘होटल बन्द गरे पनि कर्मचारी निकाल्न पाइँदैन्’ पर्यटनमन्त्री भट्टराई

मुख्य समाचार

गृहपृष्ठ
मुख्य समाचार

‘होटल बन्द गरे पनि कर्मचारी निकाल्न पाइँदैन्’ पर्यटनमन्त्री भट्टराई

क्यापिटल नेपालबिहीबार, वैशाख २५, २०७७

संस्कृति पर्यटन तथा नागरिक उडड्यन मन्त्री योगेश भट्टराईले कुनै पनि होटल व्यवसायीले श्रमिकहरुलाई कामबाट निकाल्न नपाउने बताएका छन् ।
कोरोना भाइरसको नियन्त्रण रोकथामका लागि लकडाउन लागू गरिएपछि होटल संघ नेपाल (हान)ले होटल बन्द गर्ने र कर्मचारीलाई केही प्रतिशत रकम पारिश्रमिक दिने निर्णय गरेपछि मन्त्री भट्टराईले कसैले पनि श्रमिकलाई कामबाट हटाउन नपाउने बताएका हुन ।

‘श्रमिकहरुको हकमा हामीले भनेका छौं, कुनै पनि व्यवसायीले श्रमिकहरुलाई अहिले निकाल्न गर्न पाइँदैन् । किन भने उहाँहरुको सामाजिक सुरक्षा कोष पनि छ, साथै होटल र अन्य कतिपय व्यवसायबाट प्राप्त गर्नुपर्ने विशेष सुविधाहरु पनि छन्,’ उनले भने, ‘सरकारले पनि त्यसमा हेर्छ । कर्मचारीलाई निकाल्न वा हटाउन पाइँदैन भनेर हामीले भनेका छौं ।’

उनका अनुसार सरकारले केही आर्थिक प्याकेजहरु पनि दिने तयारी गरेको छ । कोरोना भाइरसबाट परेको प्रभावलाई कम गर्नका लागि व्यवसायीहरु र श्रमिकहरुको हितमा केही पुनःस्थापना प्याकेजहरु अगाडि सार्ने सोचका साथ मन्त्रालय अगाडि बढेको बताए ।

मन्त्रालयले निश्चित रकमसम्म व्यवसाय सुचारु गर्नका लागि बिना धितो सहुलियत दरको कर्जा उपलब्ध गराउने, पुरानो ऋणको पुनरतालिकिकरण गर्ने, भ्याट तथा ट्याक्समा छुट दिने लगायतका विषयमा सहयोग गर्ने मन्त्री भट्टराईले बताए ।

मन्त्री भट्टराईले पर्यटन क्षेत्रको विकासका लागि आगामी वर्षको नीति तथा कार्यक्रम र बजेट मार्फत १० वर्षे रणनीति घोषणा गर्न लागिएको समेत बताए ।

प्रकाशित मिति: बिहीबार, वैशाख २५, २०७७ १८:५६

प्रतिक्रिया दिनुहोस्