हवाई इन्धनको मुल्य घटाउन व्यवसायीको आग्रह

मुख्य समाचार

गृहपृष्ठ
मुख्य समाचार

हवाई इन्धनको मुल्य घटाउन व्यवसायीको आग्रह

क्यापिटल नेपालशुक्रबार, फागुन ३०, २०७६

काठमाडौं । कोरोना भाइरसले विश्वव्यापी रुपमा असरसँगै नेपालको पर्यटन क्षेत्र धरासायी भएको छ । पर्यटन आगमनमा अत्याधिक कमी आएसँगै नेपालको हवाई सेवा पनि संकटमा परेको छ ।

सन् २०१९ को तुलनामा यस वर्षको हालसम्मको तथ्यांक हेर्दा पर्यटकीय गन्तव्यका उडानहरुमा ५० देखि ६० प्रतिशत कमी आएको छ । उडानसंख्यामा कमी आएर व्यवसाय नै टाट पल्टिन अवस्था आउन थालेपछि वायुसेवा सञ्चालकहरुले हवाई इन्धनको मुल्य घटाउन आग्रह गरेको छ । अन्तर्राष्ट्रिय बजारमा कच्चा तेलको मूल्य करिब ४५ प्रतिशतले घटेको भएपनि नेपालमा मूल्य समायोजन नभएको भन्दै हवाई व्यवसायीहरुले हवाई इनधनको मूल्य घटाउन माग गरेका हुन् ।

वायुयानको सञ्चालन खर्चको सरदर ३० देखि ४० प्रतिशत हिस्सा हवाई इन्धन रहने संघका अध्यक्ष क्याप्टेन रामेश्वर थापाले बताए । सोहि कारण अन्तर्राष्ट्रिय बजारमा घट्दै गएको हवाई इन्धनको मुल्यमा कम भन्दा कम मुनाफा राखी मूल्य समायोजन गर्न सरकारलाई अनुरोध गरेको उनले बताए । यसबाट वायुसेवा सञ्चालकलाई मात्र नभई सर्वसाधारणलाई समेत सहज हुने उनको भनाई छ ।

मार्च १५ मा मूल्य समायोजन गर्दा अन्तर्राष्ट्रिय बजार अनुसार हवाई इन्धनमा कम मुनाफा राखेर प्रति लिटर १० रुपैयाँ समायोजन गर्ने व्यवस्था मिलाउन सकिए वायुसेवा उद्योगलाई राहत मिल्ने संघले बताएको छ । नेपाल आयल निगमले हवाई इन्धनको नाफाबाट खाना पकाउने ग्यासमा अनुदान दिँदै आएको छ ।

निगमले ग्यासमा प्रतिसिलिन्डर १ सय ६२ रुपैयाँ अनुदान दि“दै आएको छ । निगमले आन्तरिक एयरलाइन्सलाई प्रतिलिटर ९४ रुपैयाँ ५० पैसा र विदेशी एयरलाइन्सलाई एक अमेरिकी डलर तोकेको छ ।

प्रकाशित मिति: शुक्रबार, फागुन ३०, २०७६ १५:३९

प्रतिक्रिया दिनुहोस्