काठमाडौं। नेपालका लागि क्रम्पटन ब्रान्डको आधिकारिक बिक्रेता चौधरी ग्रुपअन्तर्गतको सिजी इम्पेक्सले भारतीय होम अप्लायन्स क्रम्पटन लक्षित नयाँ वर्ष २०८१ लक्षित गर्दै क्रम्पटनको ‘नयाँ वर्षे जात्रा, उपहारसँग थाइल्यान्डको यात्रा’ नामक योजना सार्वजनिक गरेको छ।
योजनाअन्तर्गत ग्राहकले क्रम्पटनका विभिन्न होम एप्लायन्स खरिदमा लक्की ड्रमार्फत विशेष उपहार प्राप्त गर्न सक्ने कम्पनीले जनाएको छ। ग्राहकले २०८० चैत २३ देखि सीमित अवधिका लागि यसको लाभ लिन सक्नेछन्।
योजना अवधिभर लक्की ड्रमार्फत हरेक साता एक ग्राहकलाई क्रम्पटनको सिलिङ फ्यान उपहार, हरेक महिना एक भाग्यशाली ग्राहकलाई माइडियाको साइड बाई साइड रेफ्रिजेरेटरका साथै बम्पर उपहारस्वरुप एक जोडीले थाइल्यान्ड जाने मौका पाउनेछन्।
सिजी इम्पेक्सले सम्पूर्ण नेपालीलाई सिजी डिजिटल सोरुम तथा अधिराज्यभरि फैलिएका डिलर नेटवर्कमार्फत उत्कृष्ट सेवा र अनुभव दिँदै आएको छ।
क्रम्पटन ब्रान्डको नेपालमा एयर कुलर, सिलिङ फ्यान, स्ट्यान्ड फ्यान, वाल फ्यान, एक्सहस्ट फ्यान, वाटर हिटर, इलेक्ट्रिक गिजर, रुम हिटर, मिक्स्चर ग्राइन्डर, इन्डक्सन कुकर, आइरनलगायत सामग्री नेपाली बजारमा उपलब्ध रहेको कम्पनीले जनाएको छ।
