नाडाको स्थगित चुनाव पुससम्म हुने

मुख्य समाचार

गृहपृष्ठ
मुख्य समाचार

नाडाको स्थगित चुनाव पुससम्म हुने

क्यापिटल नेपालबुधबार, साउन २७, २०७८

काठमाडौं । कोभिडका कारण पछाडि सरेको नाडाको २१ औं निर्वाचन ढिलोमा पुससम्ममा हुने नाडाले बताएको छ । भदौ २५ का लागि तय गरिएको नाडाको निर्वाचन जिल्ला प्रशासन कार्यालय र निर्वाचन आयोगको निर्देशनमा पछाडि सारिएको हो ।

देशभरका नागरिकले खोप पाइसकेको अवस्थामा चुनाव असोजसम्म हुने अन्यथा विधानअनुसार पुससम्म अनिवार्य सम्पन्न हुने नाडाका विद्युतीय सवारी समितिका प्रमुख ध्रुव थापाले बताए ।

निर्वाचनका लागि दुवै पक्षले प्यानल समेत तयारी गरिसकेको अवस्थामा उम्मेद्वार र मतदाता संख्या सबै उही रहने उनले जानकारी दिए ।
यद्यपि थापाले प्यानलका बारेमा भने केही सार्वजनिक गर्न चाहेनन् ।

नाडाले सम्भावित तेस्रो लहरको जोखिमका कारण सार्वजनिक भेला सम्मेलन नगराउने सरकारको आदेशको पालना गर्दै आफ्नो २१ औं निर्वाचन र ४५ औं साधारणसभा स्थगित गरेको हो ।

प्रकाशित मिति: बुधबार, साउन २७, २०७८ १२:४३

प्रतिक्रिया दिनुहोस्