युनिभर्सल पावर कम्पनीको तल्लो खारेखोलाको काम ९८ प्रतिशत सकियो

मुख्य समाचार

गृहपृष्ठ
मुख्य समाचार

युनिभर्सल पावर कम्पनीको तल्लो खारेखोलाको काम ९८ प्रतिशत सकियो

क्यापिटल नेपालशुक्रबार, वैशाख ३१, २०७८

काठमाडौं । युनिभर्सल पावर कम्पनी लिमिटेडले निर्माण गरिरहेको ११ मेगावाटको तल्लो खारेखोला जलविद्युत आयोजनाको ९८ प्रतिशत काम सकिएको छ ।

गत साउनमा आयोजना सम्पन्न गर्ने लक्ष्य लिएकोमा काबु बाहिरको अवस्था आएपछि ढिलाइ हुन गएको कम्पनीले जनाएको छ । साउन २२ गते खाएको बाढीले आयोजना डुवानमा परेपछि समस्यामा परेको हो । हाल उपकरण जडानको काम भइरहेको कम्पनीले जानकारी दिएको छ ।

नेपाल विद्युत प्राधिकरणले निर्माण गर्न लागेको १३२ केभी सिंगटी–लामोसाँघु प्रसारण लाइनको काम अन्तिम चरणमा पुगेको छ ।आयोजनाको अधिकाँश संरचनाहरुको निर्माण सम्पन्न भइसकेका छन् ।प्रसारण लाइनकै कारण आयोजनाको उत्पादन तालिका पटक–पटक प्रभावित हुँदै आएको छ ।

आयोजनाबाट वार्षिक ६ करोड २७ लाख ३१ हजार ७५१ युनिट विद्युत उत्पादन हुनेछ । जसमध्ये सुख्खा याममा १ करोड १५ लाख २७ हजार २०० र वर्षामा ५ करोड १२ लाख ४ हजार ५५१ किलोवाट हुने कम्पनीले जनाएको छ ।

आयोजना बनाउन कुल २ अर्ब ४ करोड रुपैयाँ खर्च हुने अनुमान गरिएको छ । तर, कोरोना महामारी तथा प्रसारण लाइन समस्याले विद्युत उत्पादन तालिका प्रभावित हुँदा लागत केही बढ्ने संभावना पनि छ । आयोजना दोलखा जिल्लामा पर्छ ।

यस्तै कम्पनीले २४ मेगावाटको माथिल्लो इंखुवाखोलाको संभाव्यता अध्ययन गरिरहेको छ । यस्तै ४५ मेगावाटको कसुवा खोला आयोजना बनाउन लगानी सम्झौता समेग गरिसकेको छ ।

प्रकाशित मिति: शुक्रबार, वैशाख ३१, २०७८ ०९:१७

प्रतिक्रिया दिनुहोस्